تامر حسني يوجه مجموعة نصائح لمتابعيه للحماية من فيروس كورونا

شارك الفنان المصري تامر حسني متابعيه و جمهوره بمجموعة من النصائح لتجنب الإصابة بفيروس ” كورونا “

حيث نشر الفنان المصري منشور عبر حسابه الرسمي بموقع ” فيس بوك ” قال فيه ” صباح الفل لكل متابعيني و غير متابعيني.. بفكركم زي ما بفكر ولادي كل يوم لو سمحتوا.. كل شويه اشربوا مياه أو مشروبات دافئه أو كوباية مياه عليها عصرة ليمون صغيره كلهم حلوين “

و تابع ” اجعلوها عاده ثبتوها كل شوية نشرب مياه مقولتش برميل مياه بقول شوية مياه.. و نفكر بعض كل يوم ان شاء الله اول ما نصحى و قبل ما ننام ضروري و حياة أحبابكم “

و أضاف  نفكر بعض و نثبت الرسالة دي أو غيرها على الواتساب و السوشيال ميديا ((اشرب مياه حالا بعد اذنك)).. نبعتها لبعض كل يوم في أي وقت ملهاش مواعيد في حفظ الله “

و كان الفنان تامر حسني قد نشر تدوينة للتوعية ضد مخاطر فيروس كورونا قائلا ” أخدنا أجازات عشان نحافظ على بعض و نُحصر المرض و مينتشرش وسطنا مش فاهم إزاي بعض الناس وأخدين الموضوع هزار و أجازة و فسح و زحمة رهيبة عادي في الأماكن العامة و مخرجين ولادهم رجاء كل الناس تأمن نفسها من دلوقتي و شتروا لوازم المنزل من دلوقتي و المقتدر يا ريت يأمن غير المقتدر الظروف الجاية أصعب و الدولة لازم تعمل حظر تجول دا لازم لازم “

و تابع ” اللي مش واخدين بالهم يا جماعة دا وباء عالمي مش وقفة العيد و حرصنا دا هيخلينا نخلص منه إن شاء الله بدري جدا.. و الرحمة مطلوبة من كل الناس اللي مشغلين ناس بيومية إنهم يحافظوا الفترة دي على أجورهم و مراعاة ظروفهم.. بلاش خروج أرجوكم إلا لو هتشتروا مخزون للبيت و تكونوا واخدين كامل الحذر في الوقاية من الاحتكاك بكل شيء و رجاء متنسوش غير القادرين.. ربنا يحفظكم و يحفظنا جميعا “

قد يعجبك ايضا

اترك رد

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.